"Qarabağ" "Boka Xuniors"un qapıçısına təklif göndərib

Azərbaycanı UEFA Çempionlar Liqasında təmsil edən “Qarabağ” Argentinanın “Boka Xuniors” komandasının futbolçusu Markos Diasa təklif göndərib.

“Report” “TNT Sports”a istinadən xəbər verir ki, Ağdam təmsilçisi 33 yaşlı argentinalı qapıçının xidmətində maraqlıdır. Bu ilin yanvarında Buenos-Ayres klubu ilə 1,5 illik müqavilə bağlayan Dias əsas heyətə düşməkdə çətinlik çəkir. Bu üzdən onun təklifi müsbət dəyərləndirəcəyi gözlənilir.

Qeyd edək ki, hazırda “Qarabağ”ın əsas qapıçısı braziliyalı Vaqner da Silvadır. İkinci qapıçısı isə Şahrudin Məhəmmədəliyevdir.