Bu gün Azərbaycanın U-21 yığması Slovakiya ilə qarşılaşacaq

Bu gün 21 yaşadək futbolçulardan ibarət Azərbaycan yığması Avropa çempionatının seçmə mərhələsində növbəti oyununu keçirəcək. 

"Report"un məlumatına görə, rəqib Slovakiyanın müvafiq yaş qrupundan ibarət komandası olacaq. “Dalğa Arena”da keçiriləcək qarşılaşma saat 20:30-da başlayacaq. 

Bu, Azərbaycan yığmasının 2-ci qrupda ikinci, Slovakiyanın isə ilk matçı olacaq. Milan Obradoviçin baş məşqçi olduğu komanda daha əvvəl səfərdə Lixtenşteynə uduzub - 0:1. Növbəti oyun sentyabrın 10-da "Dalğa Arena"da Gürcüstana qarşı olacaq. 

 Avropa çempionatı, II tur

6 sentyabr

20:30. Azərbaycan - SlovakiyaBaş hakim: Deyan Yakimovski

Baş hakimin köməkçiləri: Nikola Karakolev, Kushtrim Lika

Dördüncü hakim: İqor Stoychevski (hamısı Şimali Makedoniya).