Bakı klubu afrikalı futbolçu ilə müqavilə bağlayıb

"Sabah" klubu Cənubi Afrika Respublikasından (CAR) olan futbolçusu Hendrik Eksteynin keçidini açıqlayıb.

"Report" klubun Mətbuat xidmətinə istinadən xəbər verir ki, paytaxt klubu 28 yaşlı yarımmüdafiəçi ilə iki illik müqavilə imzalayıb.

Qeyd edək ki, Hendrik Eksteyn karyerası ərzində yalnız yetirməsi olduğu “Kayzer Çifs” klubunun şərəfini qoruyub. O, CAR millisində 2 oyun keçirib. "Sabah" bu vaxta qədər Cavid Tağıyev, Ruslan Abışov, Kevin Kubemba, Məhəmməd Mirzəbəyov və Amadu Diallo ilə də müqavilə bağlayıb.