"Zenit"in futbolçusu millimizin heyətindən çıxarıldı

Bakıda təlim-məşq toplanışında olan qadınlardan ibarət Azərbaycan millisinin heyətində dəyişiklik olub.

"Report" AFFA-nın rəsmi saytına istinadən xəbər verir ki, Rusiyanın “Zenit” klubunun üzvü Jalə Məhsimovanın əvəzinə hazırlıq prosesinə Lamiyə Əlizadə (8-iOEUGiM) dəvət olunub.

Milli assosiasiyadan "Report"a verilən məlumata görə, Məhsimova mövcud vəziyyətlə əlaqədar sənədləşmə işlərində müəyyən çətinliklər səbəbindən Bakıya gəlməyib.

Qeyd edək ki, Azərbaycan yığması Avropa çempionatının seçmə mərhələsində fevralın 18-də İspaniyanı, 23-də isə Moldovanı qəbul edəcək. Hər iki qarşılaşma "ASK Arena"da olacaq.