"Yuventus"un hücumçusu bir neçə klubun diqqət mərkəzinə düşüb

İtaliyanın "Yuventus" klubunun hücumçusu Duşan Vlahoviç bir neçə klubun diqqət mərkəzinə düşüb.

"Report" "La Gazzetta dello Sport"a istinadən xəbər verir ki, 25 yaşlı futbolçu "Barselona", "Atletiko" (hər ikisi İspaniya) "Bavariya" (Almaniya), "Mançester Yunayted" və "Tottenhem"in (hər ikisi İngiltərə) maraq dairəsindədir.

25 yaşlı serbiyalının A Seriyası təmsilçisi ilə müqaviləsinin müddəti 2026-cı ilin yayına qədərdir. Bu səbəbdən yanvardan etibarən o, sərbəst şəkildə digər klublarla danışıqlar aparmaq hüququna malik olacaq.

Qeyd edək ki, cari mövsümdə hücumçu bütün turnirlərdə 18 oyunda meydana çıxıb, 8 qol və 1 məhsuldar ötürmə müəllifi olub. "Transfermarkt" portalı futbolçunun dəyərini 35 milyon avro qiymətləndirir.