Yay fasiləsinin ən bahalı transferləri açıqlanıb

"Transfermarkt" portalı yay fasiləsinin ən bahalı keçidlərini açıqlayıb.

"Report" xəbər verir ki, siyahının ilk pilləsində "Tottenhem" klubunun yeni futbolçusu Dominik Solanki yer alıb.

Hotspur təmsilçisi 26 yaşlı hücumçu üçün "Bornmut"a 66,5 milyon avro ödəyib. Fransanın "Lill" klubundan "Mançester Yunayted"ə keçən Leni Yoro isə ikinci pillədə yer alıb. Mançester təmsilçisi fransalı futbolçuya görə 62 milyon avro xərcləyib.

"İlk 3-lüy"ü "Vulverhempton" klubundan "Çelsi"yə keçən Pedro Neto qapayıb. O, London təmsilçisinə 60 milyon avroya başa gəlib.