Xavi Almaniya klubunun təklifini rədd edib

İspaniyalı baş məşqçi Xavi Ernandes Almaniyanın "Bayer 04" klubunun təklifini rədd edib. 

"Report" "Marca"ya istinadən xəbər verir ki, 45 yaşlı mütəxəssis Bundesliqa təmsilçisinin təklifini geri çevirib. 

Komandadakı vəziyyətin qeyri-sabit olması Xavinin qərarına təsir edib. 

Qeyd edək ki, "Bayer 04" Bundesliqada iki turdan sonra baş məşqçisi Erik ten Haqla yollarını ayırıb. Xavi 2021-2024-cü illər aralığında Kataloniya təmsilçisində işləyib və bir dəfə İspaniya La Liqasının qalibi olub.