UEFA Millətlər Liqasında pley-off mərhələsinin püşkü atılıb

UEFA Millətlər Liqasında pley-off mərhələsinin püşkü atılıb.

"Report"un məlumatına görə, püşk nəticəsində 1/4 final cütləri müəyyənləşib.

Bu raundda Niderland İspaniyaya, Danimarka Portuqaliyaya, Xorvatiya Fransaya, İtaliya isə Almaniyaya rəqib olub.

İtaliya/Almaniya cütünün qalibi yarımfinalda Danimarka/Portuqaliya duelinin güclüsü ilə görüşəcək.

Xorvatiya - Fransa matçında qalib gələn tərəf isə Niderland - İspaniya görüşündə qələbə qazanan yığma ilə qarşılaşacaq.

Qeyd edək ki, qarşılaşmalar 2025-ci ilin martında keçiriləcək.