"Real Madrid"in futbolçusu: "Azərbaycanla oyun bizə müsbət impuls verdi"

"Düşünürəm ki, bu matç bizə müsbət impuls verdi".

"Report"un məlumatına görə, bunu Avstriya yığmasının futbolçusu David Alaba evdə Azərbaycan millisinə 4:1 hesabı ilə qalib gəldikləri AVRO-2024-ün seçmə mərhələ oyunundan sonra deyib.

Zədə səbəbindən bu matçda iştirak etməyən İspaniya "Real Madrid"inin sol cinah müdafiəçisi bildirib ki, komanda yoldaşlarını izləmək çox əyləncəli idi: "Özümüzü meydanda məhz bu cür təsəvvür edirdik. Çalışdım ki, komandanı dəstəkləyim, onları ruhlandırım. Hesab 3:1 olduqdan sonra bunun bizi dəli etməsinə imkan vermədik, konsentrasiyanı itirmədik".

Qeyd edək ki, Azərbaycan millisi qrupda növbəti oyununu martın 27-də səfərdə İsveçə, Avstriya isə evdə Estoniyaya qarşı keçirəcək.