"Qarabağ", "Sabah" və "Neftçi"nin legionerləri Gürcüstan millisinə dəvət alıblar

"Qarabağ"ın qapıçısı Luka Quqeşaşvili, "Sabah"ın hücumçusu Davit Volkov və "Neftçi"nin müdafiəçisi Solomon Kverkveliya Gürcüstan millisinə dəvət alıblar.

"Report" yerli federasiyanın rəsmi saytına istinadən xəbər verir ki, yığmanın baş məşqçisi Villi Sanyol Monqolustana qarşı yoldaşlıq, Norveçlə isə AVRO-2024-ün seçmə mərhələ oyunlarına Azərbaycan Premyer Liqasında çıxış edən legionerləri də çağırıb.

Qarşılaşmalar müvafiq olaraq martın 25-də və 28-də Batumidə olacaq.