Pele futbol oynamağa hazır olduğunu açıqlayıb

Əməliyyatdan sonra sağalan əfsanəvi futbolçu Pelenin son durumu açıqlanıb.

"Report"un məlumatına görə, 81 yaşlı sabiq hücumçu özünü daha yaxşı hiss etdiyini söyləyib.

O, tezliklə futbol oynamağa hazır olduğunu bildirib: "İndi çox yaxşıyam, hətta bazar günü futbol oynamağa da hazıram. Mənə dəstək olan və güc verən hər kəsə təşəkkür edirəm".

Qeyd edək ki, Pele sentyabrın 6-da bağırsağındakı şiş ucbatından əməliyyat olunub.