"Monako" rusiyalı futbolçusu ilə müqavilə müddətini artırıb

Fransanın "Monako" kollektivi futbolçusu Aleksandr Qolovinlə müqavilə müddətini artırıb.

"Report" klubun mətbuat xidmətinə istinadən xəbər verir ki, rusiyalı yarımmüdafiəçi ilə 5 illik yeni sözləşmə imzalanıb.

Qeyd edək ki, 28 yaşlı oyunçu 2018-ci ildən “Monako”da çıxış edir. O, komandasının heyətində 209 oyun keçirib və 31 qol vurub.