"Mançester Yunayted"in futbolçusu "Real"a keçə bilər

İngiltərənin "Mançester Yunayted" klubunun futbolçusu Dioqu Dalot İspaniya təmsilçisi "Real"a keçə bilər.

"Report" xəbər verir ki, bu barədə "Relevo" nəşri məlumat yayıb.

Madrid təmsilçisi 25 yaşlı müdafiəçini heyətinə qatmaq istəyir.

Portuqaliyalı oyunçu cari mövsüm bütün turnirlərdə "qırmızı şeytanlar"ın heyətində 21 oyuna çıxıb və 2 məhsuldar ötürmə ilə yadda qalıb.

Qeyd edək ki, D.Dalot 2023/2024 mövsümündə "Mançester Yunayted"in oyunçuları arasında keçirilən səsvermədə komandanın ən yaxşı futbolçusu seçilib.