"Mançester Siti"nin baş məqçisi İlkay Gündoğanın komandaya qayıtmasına razı olub

İspaniyanın "Barselona" klubunun futbolçusu İlkay Gündoğan karyerasını yenidən İngiltərə təmsilçisi "Mançester Siti"də davam etdirə bilər.

"Report" xəbər verir ki, bu barədə məşhur insayder Fabritsio Romano sosial şəbəkə hesabında paylaşım edib.

Onun sözlərinə görə, "şəhərlilər"in baş məşqçisi Xosep Qvardiola yarımmüdafiəçinin komandaya qayıtmasına razılıq verib.

Artıq tərəflər arasında ilkin danışıqlar da gerçəkləşib. Gündoğanı Səudiyyə Ərəbistanı və Qətər təmsilçiləri də heyətinə qatmaq niyyətindədir.

Qeyd edək ki, İlkay Gündoğan 2016-2023-cü illər aralığında "Mançester Siti"nin formasını geyinib.