"Liverpul" PSJ-nin futbolçusu üçün 65 milyon avro ödəməyə hazırdır

İngiltərənin "Liverpul" klubu Fransa təmsilçisi PSJ-nin futbolçusu Uorren Zair-Emeri ilə maraqlanır.

"Report" "Anfield Watch"a istinadən xəbər verir ki, mersisaydlılar artıq 18 yaşlı yarımmüdafiəçinin agenti ilə əlaqə saxlayıblar.

"Liverpul"un fransalı oyunçu üçün 65 milyon avro ödəməyə hazır olduğu bildirilib.

Qeyd edək ki, Zair-Emeri PSJ-nin yetirməsidir. O, cari mövsüm bütün turnirlərdə 29 oyunda 3 qol və 1 məhsuldar ötürmə ilə yadda qalıb.