İspaniya Primerası: “Barselona” “Sevilya”nı 3 cavabsız qolla darmadağın edib

“Barselona” İspaniya çempionatının 20-ci turu çərçivəsində səfərdə “Sevilya”nı darmadağın edib - 3:0.

“Report” xəbər verir ki, görüşdə hər üç qol ikinci hissədə vurulub. Toru Jordi Alba, Qavi və Rafinya silkələyib.

Kataloniyalılar topa 65 % sahib olublar və 16 zərbə ilə yadda qalıblar.

“Barselona” liqa cədvəlinə başçılıq edir, hazırda əzəli rəqibi “Real Madrid”dən 8 xal fərqlə öndədir. “Sevilya” 16-cı yerdədir.