Azərbaycan Premyer Liqası: XXXIV turun daha iki görüşü keçiriləcək

Bu gün futbol üzrə Azərbaycan Premyer Liqasında XXXIV turun daha iki görüşü keçiriləcək.

"Report" xəbər verir ki, günün ilk matçında "Araz Naxçıvan" "Turan Tovuz"u qəbul edəcək.

"Liv Bona Dea Arena"da baş tutacaq matçın start fiti saat 17:00-da səslənəcək.

Digər oyunda isə "Zirə" və "Qarabağ" komandaları münasibətlərinə aydınlıq gətirəcəklər. Zirə İdman Kompleksinin stadionunda reallaşacaq qarşılaşma saat 19:30-da başlayacaq.

Qeyd edək ki, turun daha iki görüşü mayın 12-də keçiriləcək.