Azərbaycan millisindən qol buraxan fransalı qapıçı 90 ildən sonra tarixə düşüb

Fransa millisinin qapıçısı Luka Şevalyenin DÇ-2026-nın seçmə mərhələsində Azərbaycan yığması ilə oyunda buraxdığı qol tarixə düşüb.

"Report"un məlumatına görə, o, 90 ildə yığmada debüt matçında qapısında ən tez top görən oyunçudur.

Renat Dadaşov qarşılaşmanın 4-cü dəqiqəsində 24 yaşlı qolkiperi məyus edib.

Son olaraq Rene Lyense 90 il əvvəl, 1935-ci ildə debüt görüşündə eyni dəqiqədə qol buraxıb.

Qeyd edək ki, Fransa yığması oyunda 3:1 hesabı ilə qalib gəlib.