AFFA milli komanda üçün daha iki rəqib axtarır

AFFA milli komanda üçün daha iki rəqib axtarır.

Bu barədə "Report"a qurumun mətbuat xidmətinin rəhbəri Elnur Məmmədli məlumat verib.

O, millinin yoldaşlıq görüşü keçirməsi üçün daha iki rəqib axtarışında olduqlarını söyləyib:

"Həm martda, həm də iyunda iki yoldaşlıq görüşü olmalıdır. Çünki həmin aylarda iki yoldaşlıq oyunu üçün "pəncərə" var. Bu istiqamətdə işlər gedir. Rəqiblər dəqiqləşəndən sonra məlumat veriləcək".

Qeyd edək ki, Fernandu Santuşun baş məşqçisi olduğu Azərbaycan millisi martın 25-də Belarus, iyunun 10-da Macarıstanla yoldaşlıq görüşü keçirəcək. Hər iki oyun Azərbaycanda baş tutacaq.