20 milyon avro borca görə klubun hesabından 24 xal silinib

Bakı. 5 fevral. REPORT.AZ/ Rumıniyanın ÇFR futbol komandasının hesabından 24 xal silinib. "Report"un məlumatına görə, buna klubun külli miqdarda borcu səbəb olub. 

Maliyyə problemləri ilə üzləşən ÇFR dövlətə, futbolçulara və məşqçilərə üst-üstə 20 milyon avro borcludur. Bu cəzadan sonra Kluj komandası turnir cədvəlində 2-ci pilləni sondan əvvəlki mövqe ilə dəyişməli olub. İndi komandanın aktivində cəmi 10 xal var. 

Qeyd edək ki, ÇFR rəhbərliyi qərara etiraz edəcəyini açıqlayıb. Klub rəsmiləri üzləşdikləri maddi sıxıntıları ölkənin bir çox aparıcı komandalarına da təsir edən ümumi bohranla əlaqələndiriblər.