Ferstappen üçüncü dəfə "Formula 1" çempionu olub

"Red Bull" komandasından olan niderlandlı Maks Ferstappen ardıcıl üçüncü dəfə "Formula 1" dünya çempionatının qalibi olub.

"Report" xəbər verir ki, o, Qətər Qran-prisində sprint yarışında komanda yoldaşı meksikalı Serxio Peres sprinti başa vura bilmədiyi üçün vaxtından əvvəl çempionluğu qazana bilib. Meksikalı 11-ci dövrədə baş verən qəzaya görə sprinti başa vura bilməyib.

Bundan əvvəl 26 yaşlı Ferstappen 2021 və 2022-ci illərdə "Formula 1" yarışında qələbə qazanıb.