Bakıda keçirilən fiqurlu konkisürmə üzrə Qran-pri turnirinin açılış mərasimi baş tutub

Bakıda keçirilən yeniyetmələr arasında fiqurlu konkisürmə üzrə Qran-pri turnirinin açılış mərasimi baş tutub.

"Report"un məlumatına görə, tədbir Heydər Əliyev adına İdman-Konsert Kompleksində təşkil edilib.

Mərasimdə gənclər və idman naziri Fərid Qayıbov, Beynəlxalq Konkisürmə Birliyinin prezidenti (ISU) prezidenti Kim Jae-Yeol və digər rəsmi qonaqlar iştirak ediblər.

Açılış sözü ilə qonaqları salamlayan Kim Jae-Yeol yarış iştirakçılarına uğurlar arzulayıb.

Daha sonra çıxış üçün söz Fərid Qayıbova verilib. Bu cür idman turnirlərinin ölkəmizdə keçirilməsinin əhəmiyyətindən danışan nazir, son dövrlərdə qış idmanı növlərinə marağın artdığını deyib. Daha sonra yarış açıq elan edilib.

Qeyd edək ki, Qran-pri sentyabrın 26-da başa çatacaq.