Azərbaycan gimnastları beynəlxalq turnirdə 3 medal qazanıblar

Azərbaycan gimnastları Özbəkistanın paytaxtı Daşkənddə keçirilən beynəlxalq turnirdə 3 medal qazanıblar.

“Report” Azərbaycan Gimnastika Federasiyasının mətbuat xidmətinə istinadən xəbər verir ki, idmançılar batut gimnastikası üzrə yarışda 2 qızıl, 1 gümüş mükafata yiyələniblər.

Fərdi proqramda Selcan Mahsudova və Nicat Mirzəyev fəxri kürsünün ən yüksək pilləsinə qalxıblar. Əli Niftəliyev isə ikinci yeri tutub.