TAP ilə Azərbaycandan Avropaya qaz tədarükü sifarişlərinin həcmləri azalıb

Azərbaycan təbii qazını Avropaya nəql edən Trans-Adriatik Boru Kəməri (TAP) Yunanıstanın Kipoi çıxış nöqtəsindən avqustun 4-də 356 milyon 657 min 291 kVt/saat həcmində sifariş alınıb.

Bu barədə “Report” TAP-ın elektron platformasına istinadən xəbər verir.

Bu, ötən həftənin bazar ertəsinin sifariş göstəriciləri ilə müqayisədə 2,7 % azdır.

Kipoi çıxış nöqtəsindən avqustun 5-dan avqustun 11-dək 331 milyon 019 min 866 kVt/saat həcmində sifariş alınıb.

Bu, iyulun 29-dan 31-dək olan sifariş göstəriciləri ilə müqayisədə 9,7 % azdır. Avqustun 1-nə olan sifariş göstəriciləri ilə müqayisədə 7,8 %, avqustun 2-nə və 3-nə olan sifariş göstəriciləri ilə müqayisədə isə 7,2 % azdır.

Yunanıstanın Komotini çıxış nöqtəsindən avqustun 4-dən 11-dək hər gün üçün gündəlik sifarişlər ötən həftənin göstəricisi kimi 28 milyon 674 min 418 kVt/saat həcmində qeydə alınıb.

Yunanıstanın Nea Mesimvria çıxış nöqtəsindən avqustun 4-dən 11-dək 30 milyon 346 min 301 kVt/saat həcmində sifariş alınıb. Bu, daha əvvəlki həftənin sifariş həcmi ilə müqayisədə eynidir.

İtaliyanın Melenduqno çıxış nöqtəsindən qazın tədarükü üçün avqustun 4-də 295 milyon 340 min 315 kVt/saat həcmində sifarişlər qəbul edilib. Bu, iyunun 28-nə olan sifariş göstəriciləri ilə müqayisədə 2,9 % azdır.

Bu çıxış nöqtəsindən qazın tədarükü üçün avqustun 5-dən avqustun 11-dək 271 milyon 999 min 147 kVt/saat həcmində sifarişlər qəbul edilib.

Bu, iyulun 29-dan 30-dək olan sifariş göstəriciləri ilə müqayisədə təxminən 10,7 % azdır. İyulun 31-nə olan sifariş göstəriciləri ilə müqayisədə isə 11,6 % azdır. Avqustun 1-nə olan sifariş göstəriciləri ilə müqayisədə isə 8,7 %, avqustun 2-nə və 3-nə olan sifariş göstəriciləri ilə müqayisədə isə 7,9 % azdır.

Xatırladaq ki, Trans-Adriatik Boru Kəmərinin tikintisi 2020-ci ilin oktyabrında başa çatıb. TAP-ın ümumi uzunluğu 878 km-dir ki, bunun da 550 km-i Yunanıstanın şimal hissəsindən, 215 km-i Albaniya ərazisindən, 105 km-i Adriatik dənizinin dibi ilə, 8 km-i isə İtaliya ərazisindən keçir. Azərbaycan qazının TAP vasitəsilə İtaliya, Yunanıstan və Bolqarıstandakı istehlakçılara tədarükünə 2020-ci il dekabrın 31-dən başlanılıb.