“BP Exploration (Absheron) Limited” şirkətinin Azərbaycanda nümayəndəliyi yaradılıb

Bakı. 17 avqust. REPORT.AZ/ “Dayaz sulu Abşeron” layihəsinin icrası üçün təsis edilmiş “BP Exploration (Absheron) Limited” şirkətinin Azərbaycanda nümayəndəliyi yaradılıb.

“Report” xəbər verir ki, bu barədə Vergilər Nazirliyinin “Vergilər” qəzetinin xüsusi buraxılışında məlumat verilib.

Nümayəndəlik “BP-Azerbaijan” şirkəti ilə eyni hüquqi ünvanda – Bakı şəhəri, Nəsimi rayonu, Neftçilər prospekti, 153-də dövlət qeydiyyatından keçib. Onun qanuni təmsiçisi “BP” şirkətinin Azərbaycan, Gürcüstan və Türkiyə üzrə regional prezidenti Qari Counsdur.