“Aramco” neft satışını 50% artırmaq niyyətindədir

Bakı. 25 sentyabr. REPORT.AZ/ Səudiyyə Ərəbistanın milli neft şirkəti “Saudi Aramco”nun ticarət qolu "Aramco Trading Company" 2020-ci ilə qədər neft satışını 50% artırmağı planlaşdırır.

“Report” xarici KİV-ə istinadən xəbər verir ki, icraçı direktor İbrahim Əl-Buainain şirkətin gündəlik neft satışının 2020-ci ilə qədər 6 mln. barelə çatacağını bildirib.

O həmçinin qeyd edib ki, “Saudi Aramco” Sinqapurda yerləşən ofisi vasitəsilə mayeləşdirilmiş təbii qazın (LNG) ticarət həcmini də artırmaq niyyətindədir.