Təhsil naziri İslam Universiteti məzunlarının diplom ala bilməməsindən danışdı

“Təhsil Nazirliyi İslam Universiteti məzunlarının diplom ala bilməməsindən məlumatlıdır”.

“Report”un xəbərinə görə, bunu təhsil naziri Emin Əmrullayev deyib.

Nazirin sözlərinə görə, hazırda məsələ araşdırılır: “Novruz bayramından sonra ictimaiyyətə geniş məlumat veriləcək. 4 000-dən artıq insan diplom istəyir. Bu, 2000-ci ilin əvvəlindən yaranan problemdir və uzun vaxt tələb edir. Məsələyə laqeyd yanaşmırıq. Sadəcə müəyyən qədər vaxt lazımdır. Dövlət İmtahan Mərkəzi və aidiyyəti qurumlarla araşdırma aparılır”.