Bu il MİQ üzrə namizədlərə 10 500 vakant yer təqdim olunub

Bu il müəllimlərin işə qəbulu (MİQ) üzrə müsabiqə zamanı namizədlərə 10 500 vakant yer təqdim olunub.

"Report" xəbər verir ki, bunu Ümumi Təhsil üzrə Dövlət Agentliyinin mətbuat katibi Zenfira Sevdimalı jurnalistlərə açıqlamasında deyib.

Onun sözlərinə görə, əksər fənnlər üzrə bu il vakant yerlərdə artım müşahidə olunur: "Xüsusilə sertifikasiya prosesindən sonra azərbaycan dili və ibtidai sinif üzrə ötən illə müqayisədə vakant yerlərin sayı 50% artıb".

Qurum rəsmisi bildirib ki, avqustun 14-dən etibarən müəllimlərin işə qəbulu üzrə müsabiqənin müsahibə mərhələsinə başlanılır: "10 minlərlə namizəd arasından seçilmiş 5740 nəfər müsabiqənin növbəti mərhələsinə - müsahibə mərhələsinə dəvət olunub".