"Milan" ardıcıl dördüncü dəfə "İnter"i məğlub edib

"Milan" bütün turnirlərdə "İnter" üzərində ardıcıl dördüncü qələbəsini qazanıb.

"Report"un A Seriyasının rəsmi saytına istinadən məlumatına görə, İtaliya çempionatının 10-cu turunun matçında "Milan" "İnter"i 3:1 hesabı ilə məğlub edib.

Görüş Milanda, "San-Siro" stadionunda baş tutub.

Qaliblərin heyətində Kristian Pulişiç (4-cü dəqiqə), Adrien Rabyo (10-cu) və Dieqo Moreyra (43-cü) fərqləniblər. "İnter"in yeganə qolunu Alessandro Bastoni (22-ci) vurub.

Əvvəlki üç qarşılıqlı görüşdə də "Milan" 3:0, 1:0 və 1:0 hesabı ilə qələbələr qazanmışdı.

Beləliklə, "İnter" A Seriyasının cari mövsümündə ilk məğlubiyyəti ilə üzləşib.

10-cu turdan sonra "İnter" 25 xalla turnir cədvəlində ikinci yeri tutur, 21 xal toplayan "Milan" isə dördüncü pillədə qərarlaşıb.

Növbəti turda, noyabrın 8-də "Milan" səfərdə "Cenoa" ilə qarşılaşacaq, "İnter" isə həmin gün "Komo"nu qəbul edəcək.