Lənkəran Peşə Məktəbinin hoteli olacaq

Lənkəran Peşə Məktəbinin özünün hoteli olacaq.

“Report” xəbər verir ki, bunu Peşə Təhsili üzrə Dövlət Agentliyinin direktor müavini, direktor vəzifələrini icra edən Ceyhun Kərəmov “Media və təhsil dialoqu” mövzusunda keçirilən təlim-seminarda çıxışı zamanı deyib.

O qeyd edib ki, bununla bağlı mexanizm üzərində işlənilir: "Tələbələrin idarəetmədə iştirakı olacaq. Peşə məktəblərinin özünü maliyyələşdirməsi üçün olduqca vacibdir və publik hüququ şəxsin sahibkarlıq fəaliyyəti çərçivəsində mümkün olacaq. Tələbələr burda çalışıb, təcrübə toplayacaqlar. Müəssisə isə əldə olunan vəsait hesabına tədrisin keyfiyyətini artıra biləcək".