Dünyada ən çox plastik zibil olan ölkə müəyyən edilib

“Lids” Universitetinin britaniyalı alimləri dünyanın 50 mindən çox şəhər və kənd yerlərində plastik çirklənmənin yüksək olduğu ərazilərini müəyyən ediblər.

“Report” xəbər verir ki, araşdırma “Nature” elmi jurnalında dərc olunub.

Alimlər süni intellektdən istifadə edərək hər il tullantıların emalı sistemindən 52 milyon ton plastikin keçdiyini müəyyən ediblər ki, bunun da 36 milyonu (68%) toplanmamış polimer tullantılarıdır.

Dünya ölkələri arasında plastik çirklənməyə görə Hindistan birinci yerdədir və ildə 9,3 milyon ton tullantı buraxır. Bu, növbəti iki aparıcı çirkləndirici ölkə - Nigeriya və İndoneziyadan 2,7 dəfə çoxdur.

Üstəlik, plastik tullantıların yalnız 81%-i Hindistanda toplanır, qalan 19%-i isə ətraf mühitə atılır.