Zelenski: "Baxmutu təslim etməyəcəyik"

"Ukrayna mümkün qədər tez uzaqmənzilli silahlar alarsa, ordumuz Baxmutdan uzaqlaşmayacaq, hətta əvvəllər ruslar tərəfindən işğal olunmuş şərq rayonlarının ərazilərini işğaldan azad etməyə başlayacaq".

"Report"un Şərqi Avropa bürosunun məlumatına görə bunu bu gün Kiyevdə keçirilən mətbuat konfransında Ukrayna Prezidenti Volodimir Zelenski bildirib.

"Baxmutu heç kim təslim etməyəcək. Bacardığımız qədər döyüşəcəyik. Baxmutu öz qalamız hesab edirik... Sürətli silah, ən uzaqmənzilli silah olsa, biz nəinki Baxmutdan uzaqlaşmayacağıq, həm də digər əraziləri azad edəcəyik. 2014-cü ildən işğal altında olan Donbasın işğaldan azad edilməsinə başlayacağıq" - Zelenski əlavə edib.