Yunanıstanda hoteldə yanğın olub, ölən və yaralananlar var 

Yunanıstanın mərkəzində yerləşən qədim Meteora monastır kompleksinin yaxınlığındakı hoteldə yanğın baş verib.

“Report” bu barədə AP-yə istinadən xəbər verir.

Məlumata görə, yanğın nəticəsində hotelin sahibi ölüb. Qeyd olunur ki, eyvandan qaçmağa çalışan 55 yaşlı iş adamı yanğınsöndürənlər gələnə qədər yıxılaraq aldığı xəsarətlərdən dünyasını dəyişib.

Daha 11 nəfər xəsarət aldığı bildirilir. Onlardan 4-ü azyaşlıdır.

Xilasedicilər 26 nəfəri təxliyə ediblər, onlardan bəziləri kran vasitəsilə eyvanlardan qaldırılmalı olub.

Yanğının səbəbi hələ müəyyən edilməyib.

Yunanıstanda hoteldə yanğın olub, ölən və yaralananlar var