Trampın Baydenlə Ukrayna və Yaxın Şərqlə bağlı fikirləri fərqlidir

ABŞ-ın yeni seçilmiş prezidenti Donald Tramp Ağ Evdə görüşü zamanı hazırkı prezident Cozef Baydenlə söhbətində Ukrayna münaqişəsini və Yaxın Şərqdəki vəziyyəti müzakirə etdiyini bildirib.

“Report” xəbər verir ki, o, bu barədə “New York Post” qəzetinə müsahibəsində bildirib.

Tramp, Baydenlə bu iki mövzuda eyni fikirlərə sahib olmadığını vurğulayıb:

“Mən onun Ukrayna münaqişəsi ilə bağlı fikirlərini öyrənmək istədim və o, mənimlə bölüşdü. Yaxın Şərqdəki vəziyyət haqqında da ətraflı danışdıq, onun mövcud vəziyyətlə bağlı fikrini başa düşmək mənim üçün vacib idi”.