Tramp Putinlə dərhal görüşmək istəyini bildirib

ABŞ Prezidenti Donald Tramp Rusiya lideri Vladimir Putinlə dərhal görüşmək istədiyini bildirib.

"Report" xəbər verir ki, o, bu barədə Ağ Evdə jurnalistlərlə söhbəti zamanı bildirib.

Amerika liderinin fikrincə, Rusiya Ukrayna ilə sülh müqaviləsi bağlamağa çalışmalıdır.

"Ola bilsin, onlar müqavilə imzalamaq istəyirlər. Düşünürəm ki, Putin məni görmək, mümkün qədər tez görüşmək istərdi. Mən dərhal görüşərdim", - Tramp deyib.

Amerika liderindən Rusiyaya qarşı sanksiyaların ölkə rəhbərliyini danışıqlara sövq edəcəyinə inanıb-inanmadığı da soruşulub. “Bilmirəm, amma düşünürəm ki, Putin razılığa gəlməlidir”, - Tramp deyib.