Suriya Müdafiə Nazirliyi Dəməşqdən ordunun çıxarılması barədə məlumatları təkzib edir

Suriya Müdafiə Nazirliyi Dəməşq və ətraf ərazilərdən hərbçilərin çıxarılması barədə məlumatları təkzib edib.

“Report” TASS-a istinadən xəbər verir ki, bu barədə nazirliyin bəyanatında deyilir.

"Dəməşqin bütün rayonlarında mövcud olan silahlı qüvvələrimizin bölmələrinin çıxarılması barədə heç bir məlumat həqiqətəuyğun deyil", - bəyanatda qeyd olunub.

Daha əvvəl KİV Suriya Silahlı Qüvvələrinin paytaxtdan çıxarılması barədə məlumat vermişdi.