Sudanda daşqınlar nəticəsində ölənlərin sayı 84 nəfərə çatıb

Bakı. 8 avqust. REPORT.AZ/ Sudanda güclü yağışların yaratdığı daşqın və sel nəticəsində ölənlərin sayı 84 nəfərə çatıb. 

"Report" "RİA Novosti"yə istinadən xəbər verir ki, bu barədə Sudanın "Blue Nile" telekanalı məlumat verib. 

Məlumata görə, təkcə ölkənin şərqində yerləşən Kassala ştatında 7 nəfər ölüb, 3 min ailə zərər çəkib və xilas yolunu dağlara qaçmaqda tapıb. 

Ümumilikdə isə 60 min nəfərin daşqınlardan zərər çəkdiyi bildirilib.