Sorğu: Fransızların 56 %-i ümummilli tətili dəstəkləyir

Fransada rəyi soruşulan respondentlərin 56 %-i dövlət xərclərinin azaldılması planına qarşı ümummilli tətili dəstəklədiklərini bildiriblər.

"Report" xəbər verir ki, bu, Fransanın BFMTV kanalının sorğusunun nəticələri sübut edib.

Məlumata görə, fransızların 25 %-i əleyhinə çıxıb, 18 %-i isə "mənim üçün fərqi yoxdur" deyib. Qalan respondentlər qiymətləndirməkdən çəkiniblər.

Etiraz aksiyaları Paris, Lion, Bordo və Nantda ictimai nəqliyyatın hərəkətində fasilələrə səbəb olub.

Asayişin təmin edilməsi üçün hökumət təxminən 80 min polis və jandarm cəlb edib.

Xatırladaq ki, bu gün Fransada dövlət xərclərinin azaldılması planına qarşı etiraz əlaməti olaraq 250-dən çox nümayiş keçirilir.