Somalidə silahlılar hotelə hücum edib, ölənlər var

Silahlı qrup Somalinin paytaxtı Moqadişunun şimal-şərqindəki “Bearl” hotelinə hücum edib.

"Report" xəbər verir ki, bu barədə Somalinin "Garowe" xəbər portalı məlumat yayıb.

Məlumata görə, ölən və yaralananlar var. Hadisə yerinə xüsusi təyinatlı qüvvələrin hərbçiləri gəlib, ikimərtəbəli binanın içərisində olan insanların xilas edilməsi üçün əməliyyat aparılır. Partlayışlar və intensiv atışmalarla bağlı məlumatlar var.

Portal qeyd edir ki, hotel federal məmurlar, deputatlar və siyasətçilər arasında məşhurdur.

Səlahiyyətlilər hotelə “Aş-Şabab” terror qruplaşmasının silahlıları tərəfindən hücum edildiyini bildiriblər.