Somalidə ordu bazasında partlayış olub, 15 nəfər ölüb

Noyabrın 5-də Somalinin paytaxtı Moqadişonun cənubunda hərbi bazada törədilən partlayış nəticəsində azı 15 nəfər həlak olub.

“Report” xəbər verir ki, bu barədə yerli “Garowe” portalı məlumat yayıb.

Portalın tviterdə yaydığı məlumata görə, partlayış keçmiş qənnadı fabrikinin ərazisində yerləşən bazada baş verib.

Hadisənin intihar hücumu sonucunda törədildiyi vurğulanıb.

21:16

Somalinin paytaxtı Moqadişoda ordu bazasında axşam saatlarında güclü partlayış baş verib.

"Report" xəbər verir ki, bu barədə ölkənin “Garove” portalı məlumat yayıb.

Onun sözlərinə görə, Vadajir rayonunda keçmiş qənnadı fabrikinin binasında yerləşən bazanın ərazisində kamikadze özünü partladıb.

Mümkün qurbanlar barədə hələlik məlumat daxil olmayıb.