Rusiya və ABŞ arasında məhbus mübadiləsi baş tutub

Rusiyada narkotik qaçaqmalçılığına görə həbsdə olan ABŞ vətəndaşı Mark Fogel iki ölkə arasında razılaşmaların əldə edilməsi nəticəsində azad edilib.

“Report” xəbər verir ki, bu barədə Rusiya KİV-i məlumat yayıb.

O, ABŞ-yə uçmaq üçün Vnukovo hava limanında pasportunu alıb.

Qeyd edək ki, fevralın 13-də Rusiya vətəndaşı Aleksandr Vinnik Rusiyaya qaytarılıb. Vaşinqton onu Fogelin qarşılığında Moskvaya təhvil verib. “BTC-e” kriptovalyuta birjasının həmtəsisçisi olan Vinnik ABŞ-də çirkli pulların yuyulmasında ittiham olunurdu.