Rusiyanın Sumıya raket zərbəsi nəticəsində 2 nəfər ölüb, 5 nəfər yaralanıb - YENİLƏNİB

Rusiyanın bu gün səhər saatlarında Ukraynanın Sumı vilayətinə endirdiyi raket zərbəsi nəticəsində iki mülki şəxs həlak olub.

"Report" "İnterfaks-Ukrayna"ya istinadən xəbər verir ki, bu barədə Sumı merinin səlahiyyətlərini icra edən Artyom Kobzar məlumat verib.

"Raket zərbəsi nəticəsində 5 nəfər yaralanıb. Dağıntılar var", - A.Kobzar teleqramda yazıb.

09:49

Rusiya Silahlı Qüvvələri Ukraynanın Sumı vilayətinə dronlarla hücum edib.

"Report" xəbər verir ki, bu barədə Ukrayna KİV-ləri vilayət administrasiyasının rəhbəri Oleq Qriqorova istinadən məlumat yayıb.

Zərbələr nəticəsində bir nəfər həlak olub.

O.Qriqorovun sözlərinə görə, zərbə sənaye zonasına endirilib və yanğına səbəb olub, dağıntılar altında  mühafizəçinin meyiti aşkarlanıb.