Qvineyanın devrilən nazirləri ölkədən çıxa bilməzlər

Qvineyanın yeni rəhbərliyi hərbi çevriliş zamanı devrilən hökumət üzvlərinin ölkədən getmələrinə qadağa qoyub.

“Report” “Guinee7”ə istinadən xəbər verir ki, bu barədə hərbi çevrilişə rəhbərlik edən xüsusi təyinatlı qüvvələrin komandiri, polkovnik-leytenant Mamadi Dombuya bildirib.

O, sabiq nazirlər və digər rəsmiləri məcburi qaydada topladıqları yığıncaqda nitq söyləyib və keçmiş hökumət üzvlərinə iş avtomobillərini təhvil verməyi də tapşırıb.