Qüdsdə törədilən terror hücumu nəticəsində 4 nəfər həlak olub - YENİLƏNİB

Qüdsdə avtobus dayanacağında baş verən atışma nəticəsində dörd nəfər həlak olub.

Bu barədə "Report" "The Times of Israel"ə istinadən xəbər verir.

12:16

İki fələstinli Qüdsün (İsrail) şimalında sərnişin avtobusuna atəş açıb, nəticədə 20 nəfər yaralanıb.

"Report" xəbər verir ki, bu barədə İsrail KİV-i məlumat yayıb.

Qeyd olunub ki, 5 nəfərin vəziyyəti kritikdir.

Bildirilir ki, hadisə yerində olan İsrail Ordusunun hərbçilərindən biri hücum edənləri öldürüb.