Qlobal sülh sammiti Ukraynada keçirilə bilər

“ABŞ, Braziliya, Hindistan, Cənubi Afrika Respublikası və Türkiyə nümayəndələrinin Kopenhagendə keçiriləcək görüşü vacibdir. Görüşdə Ukraynadakı vəziyyət müzakirə olunacaq”.

“Report” xəbər verir ki, bunu Ukrayna Prezident Ofisinin rəhbəri Andrey Yermak telegram kanalında yazıb.

O, qlobal sülh sammiti üçün mümkün məkana çevrilə biləcək yerləri də açıqlayıb və məkan kimi Kiyevi təklif edib.

A.Yermak bu variantı Ukrayna üçün ən arzuolunan adlandırıb.

Prezident Ofisinin rəhbəri əlavə edib ki, bəzi ölkələr də bu sammitə ev sahibliyi etməyə hazır olduqlarını bildiriblər.