Qəzzə üzrə razılaşmanın ikinci mərhələsi girovların azad edilməsindən sonra başlayacaq

Qəzzədə atəşkəs razılaşmasının ikinci mərhələsi üzrə danışıqlar girovların azad edilməsindən bir gün sonra başlayacaq.

"Report"un məlumatına görə, bu barədə "Əl-Ərəbiyyə" telekanalı diplomatik mənbələrə istinadən xəbər verir.

Lakin bütün girovların, o cümlədən həlak olanların meyitlərinin təhvil verilməsinin nəzərdə tutulub-tutulmadığı aydın deyil.

Mənbələrin məlumatına görə, Misir amerikalı diplomatlara bildirib ki, İsrailə Qəzza sektoru ilə ölkəsinin sərhədboyu daimi hərbi mövcudluq saxlamağa icazə verməyəcək.