Bakı. 28 iyul. REPORT.AZ/ Bu gün Tripoli Cinayət Məhkəməsi Liviyanın keçmiş lideri Müəmmər Qəddafi rejiminin 8 üzvünə, o cümlədən onun oğlu Seyf əl-İslama ölüm hökmü çıxarıb. Bu barədə "Report" "RİA Novosti"yə istinadən xəbər verir.
Ölüm cəzasına məhkum olunanların arasında həmçinin keçmiş baş nazir əl-Bağdadi əl-Mahmudi və Liviya kəşfiyyatının eks-rəhbəri Abdullah əl-Sinusi də var.
Liviyanın keçmiş liderinin oğlu məhkəmə salonunda olmayıb, o, qiyabi olaraq məhkum edilib. Seyf əl-İslam hazırda Tripolidəki hökumətə tabe olmaqdan imtina edən silahlı qüvvələrin nəzarəti altındakı Zintan şəhərindəki həbsxanadadır.