Nümayəndələr Palatası Baydenin mümkün impiçmenti ilə bağlı araşdırmaya başlayıb

ABŞ Konqresinin Nümayəndələr Palatasının komitələri ölkə Prezidenti Cozef Baydenin impiçmenti üzrə mümkün səsvermə ərəfəsində rəsmi araşdırmaya başlayıb.

“Report” TASS-a istinadən xəbər verir ki, müvafiq sərəncamı qanunverici orqanın aşağı palatasının sədri, Kaliforniya ştatından olan respublikaçı Kevin Makkarti elan edib.

“Nümayəndələr Palatasının komitələrinə prezident Cozef Baydenin mümkün impiçmenti ilə bağlı rəsmi təhqiqata başlamağı tapşırıram. Son bir neçə ay ərzində Nümayəndələr Palatasının respublikaçıları prezident Baydenin davranışına - korrupsiya mədəniyyətinə dair ciddi və inandırıcı sübutlar aşkar ediblər”, - o, Konqresdə jurnalistlərə açıqlamasında deyib.