Sahel Dövlətləri Alyansının yaradılması Qərbi Afrika Dövlətlərinin İqtisadi Birliyinin (ECOWAS) qüvvələrinin işğalının qarşısını alaraq Nigeri məhv olmaqdan xilas edib.
“Report” xarici KİV-ə istinadən xəbər verir ki, bu barədə ölkənin Baş naziri Əli Lamin Zeyn Sahel Dövlətləri Alyansının iclasından sonra bildirib.
“Sahel Dövlətləri Alyansı ECOWAS-ın nəzərdə tutduğu kimi Nigerin məhv edilməsinin qarşısının alınmasında həlledici rol oynayıb”, – Zeyn deyib.
Onun sözlərinə görə, assosiasiya iştirakçılarının qətiyyətli mövqeyi “bəzi ECOWAS dövlətlərinin bəslədiyi döyüş planlarının” həyata keçməsinə imkan verməyib.
Xatırladaq ki, Sahel Alyansına Burkina-Faso, Mali və Niger daxildir.
Qərbi Afrika Dövlətlərinin İqtisadi Birliyi (ECOWAS) 15 Qərbi Afrika ölkəsinin regional birliyidir. Blokun özünün ECOMOG adlı kollektiv silahlı qüvvələri var.