NATO Alyans üzvlərinin ərazisinin hər qarışını müdafiə edəcək

NATO-nun Baş katibi Mark Rütte bəyan edib ki, Alyans öz ərazisinin hər qarışını müdafiə etməyə hazırdır.

"Report" xəbər verir ki, bu barədə "The Guardian" məlumat yayıb.

M.Rüttenin sözlərinə görə, Rusiya PUA-larının (pilotsuz uşuş aparatları) Polşa hava məkanına müdaxiləsi hadisəsinin tam qiymətləndirilməsi hələ davam edir.

"Bu qəsdən edilib-edilməməsindən asılı olmayaraq, bu tamamilə təhlükəlidir", - Baş katib bildirib.

M.Rütte həmçinin Rusiyanı Ukraynada müharibəni dayandırmağa çağırıb.